Nýlega stóð Great Place To Work á Íslandi fyrir vinnustofu um vellíðan þar sem saman komu viðskiptavinir og gestir sem hafa brennandi áhuga á að bæta vellíðan á vinnustað. Meðal þátttakenda má nefna fulltrúa frá CCP Games, Controlant og Wisefish, auk annars íslensks fagfólks sem helgar sig því verkefni að hlúa að heilbrigðara vinnuumhverfi.
Megináherslan í þessum viðburði Great Place To Work var að skilja og takast á við það sérstaka álag sem milli- og framlínustjórnendur standa frammi fyrir. Nýleg gögn benda til þess að þessir hópar beri einhverjar þyngstu byrðarnar í viðskiptaumhverfi nútímans. Hlutverk þeirra, sem oft krefst skjótrar ákvarðanatöku og ábyrgðar á háu stigi – setur þá í stöðu lykilaðila en því fylgir jafnframt mikil hætta á að lenda í kulnun.
Á vinnustofunni var kafað ofan í það hvernig hægt er að nýta gögn úr spurningunum um vellíðan í árlegri könnun Great Place To Work til að styðja við stjórnendur með fyrirbyggjandi hætti, áður en þeir eru komnir í kulnun. Þessi fyrirbyggjandi nálgun, studd með gögnum, getur gert fyrirtækjum kleift að bregðast við snemmbúnum merkjum um streitu, efla seiglu meðal stjórnenda og bæta almennt heilbrigði á vinnustaðnum.
Viðburðurinn einkenndist af áhugaverðum umræðum meðal allra þátttakenda, þar sem hver og einn deildi persónulegri nálgun við að takast á við streitu. Aðalumræðuefnið var hugtakið „streitugeymir“ (e. stress container) sem sýnir hvernig við hvert og eitt berum okkar streitu á ólíkan hátt, með mismunandi getu til að stjórna henni. Það var skoðað ofan í kjölinn hvernig skilningur á okkar einstaklingsbundnu streitugeymum gerir okkur kleift að þekkja hvenær þeir eru að fyllast og gera ráðstafanir til að koma í veg fyrir yfirfall og hugsanlega kulnun. Þetta sjónarhorn höfðaði til margra þátttakenda, og varð kveikjan að dýpri samræðum um að viðhalda vellíðan í starfi og einkalífi.
Einnig var farið yfir vaxandi áskoranir og tækifæri sem fylgja blandaðri vinnu og fjarvinnu. Þessi trend, um leið og þau bjóða upp á sveigjanleika, krefjast einnig afgerandi stefnumótunar til að ná stjórn á streitu og koma í veg fyrir þá tilfinningu fyrir einangrun sem getur fylgt fjarvinnu.
Það var hvetjandi að sjá gesti okkar taka virkan þátt, skiptast á skoðunum og úrræðum, sem skapaði jákvæða tilfinningu fyrir sameiginlegum hagsmunum. Viðburðir sem þessi gegna mikilvægu hlutverki í að byggja upp stuðningsnet fyrir vellíðan á Íslandi og við hlökkum til að halda álíka samfélagslega mikilvæga viðburði í framtíðinni. Saman getum við rutt brautina fyrir heilbrigðari og sjálfbærari vinnustaði.
Hefur þú áhuga að fá aðgang að glærum frá fyrirlestrinum? Fylltu út formið hér að neðan til að fá þær sendar í tölvupósti.
Contact Us
Um Great Place To Work
Great Place To Work er alþjóðleg stofnun um vinnustaðamenningu. Síðan 1992 hefur hún gert kannanir hjá meira en 100 milljónum starfsfólks um heim allan og notað þá innsýn til að skilgreina hvað gerir vinnustað frábæran.
Great Place To Work hjálpar fyrirtækjum og stofnunum að vega og meta sína menningu og skila betri árangri í rekstri með því að skapa upplifun fyrir allt starfsfólk sem byggir á trúnaðartrausti. Viðmiðunargögn sem eiga sér ekki hliðstæðu eru notuð til að votta Great Place To Work fyrirtæki og Bestu vinnustaðina í meira en 60 löndum, þar á meðal Fortune-listana, World’s Best Workplaces.
